Ойноп жүрүп адашып кеткен. Бишкекте 6 жашар баланы милиция кызматкерлери аман-эсен табышты

Бишкекте ойноп келем деп короого чыккан бойдон дайынсыз болуп жаткан бала аман-эсен табылды. Ленин РИИБинин кызматкерлери 6 жаштагы баланы ата-энесине өткөрүп, профилактикалык түшүндүрүү иштерин жүргүзүштү.

Маалым болгондой, 21-мартта саат 17:25 чамасында Бишкек ШИИББинин нөөмөт бөлүмүнө шаар тургунунан билдирүү келип түшкөн. Анда 2014-жылы туулган баласы Жал-Артис кичи районундагы үйүнөн ойноп келүү үчүн сыртка чыкканын, кайра үйүнө келбей дайынсыз болуп жатканы кабарланган.

"Ыкчам издөө иштеринин жүрүшүндө кечки саат 20:30 чамасында изделип жаткан бала Гагарин көчөсүнөн аман-эсен табылды. Белгилүү болгондой, ал ойноп жүрүп адашып кеткен", - дешти мекемеден.

Автор: Бактыгүл Момбекова