Борбор калаадагы алты көчөдө оңдоп-түзөө иштери жүргүзүлүп жатат

"Бишкекасфальтсервис" муниципалдык ишканасы борбор калаанын жолдорун оңдоп-түзөө иштерин улантууда. Бул тууралууу шаардык мэриянын басма сөз кызматынан кабарлашты.

Маалыматка ылайык, учурда алты көчөнүн жолдорун оңдоо иштери жүрүп жатат. Алар:

Исакеев көчөсүнөн Ауэзов көчөсүнөн баштап Валиханов көчөсүнө чейин;
Шевченко көчөсү Жибек Жолу көчөсүнөн баштап Мичурин көчөсүнө чейин;
Левоневский көчөсү Лев Толстой көчөсүнөн Асаналиева көчөсүнө чейин;
Гражданская көчөсү Төрөкул Айтматов көчөсүнөн Курманжан Датка көчөсүнө чейин;
Васильев көчөсү Манас көчөсүнөн Түлөбердиев көчөсүнө чейин;
Арменская көчөсү Кийизбаева көчөсүнөн Чыгыш-5 кичи районундагы Мамбетов көчөсүнө чейин.

Жогоруда көрсөтүлгөн көчөлөрдө эски бордюрлар алынып, кудуктар таштандыдан тазаланып жатат.

Ошондой эле Пишпек көчөсү Дэн Сяопин көчөлөрүнөн баштап Жамгырчинов көчөлөрүнө чейин оңдоп-түзөө иштерин баштоо пландалууда.

Автор: Айжанар Рыспек кызы
Фото: Бишкек шаардык мэриясынын басма сөз кызматы