Депутат мамлекеттик объектилерге караганда жеке менчиктер өнүгүп жатканын айтты

Жогорку Кеңештин тармактык комитетинде менчиктештирилген объектилер талкууга алынды. Бул тууралуу парламенттин басма сөз кызматынан билдиришти.

Депутат Бурун Аманова мамлекеттин карамагына алынган объектилер мурдагыдай кирешелүү болбой жатканын белгилеп, Бишкек шаарындагы "Караван" соода жайындагы абалга токтолду. Өкмөт өкүлү ал жердеги ижара акылар башка ири соода жайларына салыштырмалуу арзан экенин жүйө келтирди.

Бурун Аманова: "Тилекке каршы, мамлекеттикине караганда жеке менчик объектилер өнүгүп жатат. Андыктан бул жаатта тыкыр иш алып баруу менен көзөмөлдү күчөтүү зарыл", - деди.

Автор: Жылдыз Джускембаева