Министрдин эмдөө алганына ишенбестик. "Балдарым менен ант берем, эмдөө алгам" дейт Бейшеналиев

29-мартта Kыргыз өлкөсүндө коронавируска каршы эмдөө башталган. Анда алгачкылардан болуп саламаттыкты сактоо жана социалдык өнүктүрүү министри Алымкадыр Бейшеналиев эмдөө алып, ийне сайдырган. Ошол эле мезгилде министрдин эмдөө алганына ишенбеген интернет колдонуучулары да болуп, ал унутулуп бараткан. Кечээ, 1-апрелде Тышкы иштер министрлигинин кызматкери Бахтияр Шакировдун өлүмү бул ишенбестикти кайра күн тартибине алып чыкты.

Анткени Саламаттыкты сактоо министрлигинин мурдагы маалымат катчысы Елена Баялинова социалдык тармактагы баракчасына Шакиров коронавируска каршы эмдөө алгандан кийин каза болгонун жазган.

Аягы тыйылбаган бул күмөндөргө саламаттыкты сактоо жана социалдык өнүгүү министри Алымкадыр Бейшеналиев комментарий берди.

Айтымында, ал эмдөө алгандан корккон эмес жана колдонуучулардын күмөнү негизсиз.

"Мен негизи кесибим боюнча хирургмун. Эмдөө алганымдын жалган эмес экенин балдарым менен, нан кармап ант ичем. Эмдөө алганда мен эч нерсе болгон эмесмин. Маалымат каражаттарына көрсөтөм, антитела нөл болчу. Мен эч кимди алдаган эмесмин, маалымат каражат өкүлдөрүнөн качкан да эмесмин. Эмне болсо, ошону айтып келе жатам.

Эгер корксом же качсам, иш сапардамын деп орун басарларымды жөнөтүп коймокмун. Ал эле эмес, менин орун басарларым баш болуп 30 медицина кызматкери эмдөө алды. Интернет колдонуучулары ар нерсени жаза беришет. Мен эмдөө алып жатканда бардык журналисттер чагылдырып, элге түз көрсөтүлүп жатты", - деди Бейшеналиев.

Автор: Гүлшат Ысамамат кызы

13:44 02-04-2021

Жазылуу

РУБРИКАДАГЫ СОҢКУ КАБАРЛАР

18:43 2026-09-28 | Түркүн дүйнө

Эксперт АКШ эмне үчүн Сауд Арабиясына аскердик жардам бере албай жатканын түшүндүрдү 52 0

17:45 2026-09-28 | Спорт

Холанд Улуттар лигасындагы голдорунун санын 22ге жеткирди 157 0

17:33 2026-09-28 | Кылмыштар, кырсыктар

Кара-Балтада 30 жаштагы келин сабалып каза болгону айтылууда 388 0

17:30 2026-09-28 | Коом жана турмуш

Ысык-Көлдүн куймаларына 800 миң чабак коё берилди 174 0

17:15 2026-09-28 | Түркүн дүйнө

Индиянын түндүгүндөгү суу ташкынынан каза болгондордун саны 62ге жетти (видео) 260 0

16:41 2026-09-28 | Спорт

Ясминанын Азиададагы жокко чыккан алтыны: Казакстандын УОКу билдирүү таратты 579 0

Архив

Комментарийлер (5)

Simels

2021-04-02 13:59:53

Биз кыргыздар - Эшек минип алып баратсаң дагы сөз кылышат байкушту кыйнабай жөө эле баспайбы деп. Эшекти жетелеп баратсаң дагы айтышат келесоодой болбой жетелебей минип албайбы деп!Негизи ушул сөз туура атылган экенда

Ozgocho111

2021-04-02 15:08:53

Simels,эн туура, анан паланча куноолуу, тукунчо куноолуу деп чыгабыз..

Kadyrova_

2021-04-02 17:03:55

Simels,Туура сөз жаздын кеч келип сууктун болгонунада Садыр Нургожоевич күнөөлү деп чыгышат жакында.Өзү жер бетинде болуп жаткан жагымсыз нерселердин баары ниетибизге эле жараша болуп жататко деп ойлойм.

AdylbekB84

2021-04-02 17:09:43

Бир болсо маркум антибиотик алганына караганда үй- бүлө мүчөлөрүнөн жашырган ооруп жүргөнүн, балдар ооруканасына үкөл даарысын көтөрүп барып алган деп жатышат башка сайттар, демек ал жерде иштеген таанышы бар! Вакцина алдым деп жашырган чыгаар.

Aiymkunumjyldyzym

2021-04-03 23:40:57

Эн эле озгочо калкпыз да кыскасы

Комментарий калтыруу үчүн өз ысымыңыз менен кириңиз же каттоодон өтүңүз.