Жалал-Абадда мекенин сүйүүгө үндөгөн сынак өтүүдө (сүрөт)

Жалал-Абад облустук балдар чыгармачылык борборунда “Мен кыргызстандык экендигиме сыймыктанам” аттуу аймактар аралык сынак өтүүдө. Ага 8 район, 4 шаардан 160 окуучу катышып, вокал, бий жана комуз чертүү боюнча таймашып жатышат.

Бул тууралуу Жалал-Абад шаарынын мэриясынын маалымат кызматынан кабарлашты.

Сынакта Жалал-Абад шаарынан “Ариет” балдар чыгармачылык борборунун окуучулары үч өнөрдөн тең активдүүлүгүн көрсөтүүдө.

Облустук турдан жеңген окуучулар Билим берүү жана илим министрлигинин "Балажан" республикалык эстетикалык тарбия берүү окуу-усулдук борборуна жолдомо алышат.

Автор: Гүлшат Ысамамат кызы