Бишкекте адашып кеткен кичинекей кызды кайгуул кызматы таап, ата-энесине сак-саламат өткөрүп беришти

Бишкекте адашып кеткен кичинекей кызды кайгуул кызматы таап, ата-энесине сак-саламат өткөрүп беришти. Бул тууралуу аталган кызматтан билдиришти.

Маалыматка ылайык, 3-апрель күнү болжол менен саат 12:00 чамасында Бишкек ШИИББинин 102 кызматына Лев Толстой жана Некрасов көчөлөрүнүн кесилишинде кичинекей кыз жоголду деген маалымат келип түшкөн. Айтылган дарекке барган кызматкерлерге 1996-жылы туулган келин кайрылып, 2017-жылы туулган кызы үйүнүн жанында ойноп жүрүп, жоголуп кеткендигин жана издеп жаткандыгын кабарлаган.

Ыкчам издөө иш-чараларынын негизинде, көп узабай адашып кеткен кичинекей кызды таап, апасына сак саламат жеткирип беришкен.

Кичинекей кыздын апасы кызынын табылганына сүйүнүп, милициянын кайгуул кызматкерлерине ыраазычылыгын билдирген.

Автор: Айсалкын Качкынбекова