Бишкекте инсульт алган кишинин эшигин ӨКМнын кызматкерлери ачып кирип, ага алгачкы жардам көрсөтүштү

Бишкекте инсульт алган кишинин эшигин ӨКМнын кызматкерлери ачып кирип, ага алгачкы жардам көрсөтүштү. Бул тууралуу ӨКМнын басма сөз кызматынан билдиришти.

Бишкекте ӨКМнын кызматкерлерине чакыруу келип түшкөн. Анда 56 жаштагы кишинин туугандары кайрылып, эшикти тууганы ачпай жана ага байланышууга мүмкүн болбой жатканын айтышкан.

Окуя болгон жерге Бишкек шаардык куткаруу кызматы барып, эшикти ачышкан.

Батирдин ичиндеги адамга ошол замат биринчи медициналык жардам көрсөтүлүп, андан соң "Тез жардам" кызматы чакыртылган.

Алдын ала маалыматтар боюнча, эркек киши инсульт алган.

Автор: Айсалкын Качкынбекова
Фото: ӨКМнын басма сөз кызматы