
Кечээ, 4-апрелде Кыргыз Республикасынын Эмгек сиңирген артисти Самара Каримова Ош шаарында 30 жашы менен сахнадагы 10 жылдыгына карата той өткөргөн. Тойдо шоу-бизнес өкүлдөрү, жеке ишкерлер баш болгон ар тармактын өкүлдөрүнүн башы бирикти.
Тойдо тартылган видеолордон президенттик аппараттын басма сөз кызматынын мурунку жетекчиси Нургазы Анаркуловдун да отурганын көрүүгө болот.
Буга чейин ири өлчөмдө пара талап кылган деген шек менен президенттик аппараттын маалыматтык саясат бөлүмүнүн башчысы Нургазы Анаркулов кармалган. Кийинчерээк Анаркулов үй камагына чыкты деген маалымат тараган.
Бул маалыматтан кийин УКМК Нургазы Анаркуловго эч кандай чара көрүлбөгөнүн маалымдаган.