Алмазбек Атамбаев иш сапары менен Нарынга барды

Президент Алмазбек Атамбаев 17-18-октябрда иш сапары менен Нарын облусунда болот. Муну президенттик аппаратынын маалыматтык саясат бөлүмүнөн кабарлашты. Иш сапардын жүрүшүндө өлкө башчы Көкөмерен дарыясындагы көпүрөнүн, Ак-Талаа районундагы асфальт-бетон заводунун жана Нарын районундагы "Кажырты" магистралдык каналынын ачылышына катышат. Президент Алмазбек Атамбаев ошондой эле Нарын районунда курулуп бүткөн жумушчулардын шаарчасы, жана ал жакта Жогорку-Нарын ГЭС каскадын куруучуларга түзүлгөн шарттар менен таанышат.

Автор: Айпери Ганыжан кызы