Бүгүн, 13-апрель күнү саат 07:00дө "Сосновка" жана "Арал" постунда киргизилген убактылуу чектөө алынды. Бул тууралуу Өзгөчө кырдаалдар министрлигинен кабарлашты.
Билдирүүгө ылайык, Бишкек-Ош унаа жолунда унаа кырсыктарын, тыгындарынын алдын алуу жана болтурбоо максатында кечээ, 12-апрелде саат 19:00дөн тартып Жайыл районунун "Сосновка" жана саат 20:00дөн тартып Токтогул районунун "Арал" постторунда күйүүчү май ташыган оор жүк ташуучу унааларга убактылуу чектөө киргизилген.