Өлкөдө жазгы талаа жумуштарынын темпи өткөн жылга салыштырмалуу артта калды

Март айында белгиленген туруксуз аба ырайы жазгы талаа жумуштарынын темпинин төмөндөшүнө алып келди. Бул тууралуу Улуттук статистика комитетинен билдиришти.

Ушул жылдын 23-мартына карата жалпы республика боюнча жаздык өсүмдүктөр 105,6 миң гектарга себилди, бул былтыркы жылдын тийиштүү күнүнө салыштырмалуу 25 пайызга аз.

Ушул жылдын 23-мартына карата жаздык арпанын айдоо аянты өткөн жылдын ушул эле күнүнө карата 31,2 пайзды, жаздык буудай 28,6 пайызды, көп жылдык чөп 9,4 пайызды, картошка - 6,8 пайызды, жашылча - 5,6 пайызды, май өсүмдүктөрү - 3,7 пайызы түздү.

Автор: Жылдыз Джускембаева