Пригородное айылына Чүй ОИИББинин жетекчилиги жана кызматкерлери жөнөп кетишти

Чүйдүн Аламүдүн районуна караштуу Пригородное айылына Чүй ОИИББинин жетекчилиги жана кызматкерлери жөнөп кетишти. Бул тууралуу облустук милициядан билдиришти.

Маалыматка ылайык, 15-апрель күнү аталган окуя боюнча билдирүү келип түшкөн.

"Учурда Аламүдүн РИИБинин кызматкерлери аялдарга түшүндүрүү иштерин жүргүзүп, коомдук коопсуздукту сактоо иш-аракеттерин жүргүзүп жатышат", - деп жазылат маалыматта.

Буга чейин аталган айыл өкмөттүн имаратына 15ге чукул аял кирип алып, өздөрүн өрттөйбүз деп даярдана башташкан. Алар насыяларын төлөй албай жатышканын жана үстөк пайызды 3 пайызга түшүрүү маселеси менен чыгышкан.

Автор: Айсалкын Качкынбекова