Митингге чыккан медицина кызматкерлеринин алты өкүлү өкмөт үйүнө кирип кетишти

Бүгүн, 16-апрелде Бишкекте медицина кызматкерлери тынчтык митингине чыгышты. Алар өкмөткө бир топ талаптарды коюшкан.

Митингге чыккан медицина кызматкерлери вице-премьер-министр Артём Новиков менен жолугушууга кимдер кирерин талкуулап, алты өкүлдү тандашты. Алар вице-премьер менен жолугушуу үчүн өкмөт үйүнө кирип кетишти.

Өкмөт үйүнүн алдына келген медицина кызматкерлеринин алдына өкмөттүн өкүлү Санжарбек Исаев чыгып вице-премьер-министр Артём Новиков беш-алты кишини кабыл алууга даяр экенин билдирген болчу.

Автор: Айзада Кыдырмышева
Фото: Айзада Кыдырмышева