Саламаттыкты сактоо министри: "Уу коргошун бүткүл дүйнөдө колдонулуп келе жатат"

Аконит өсүмдүгү (уу коргошундун илимий аталышы) бүткүл дүйнөдө колдонулуп келе жатат. Бул тууралуу саламаттыкты сактоо жана социалдык өнүктүрүү министри Алымкадыр Бейшеналиев SUPER.KG порталына билдирди.

Анын айтымында, аталган өсүмдүк эч жерде расмий катталган эмес, бирок эксперименталдык түрдө дарыгерлер тарабынан дайындалып келет.

"Аконит өсүмдүгү бүткүл дүйнөдө, анын ичинде Орусияда да изилденген. Дүйнө жүзүндө колдонулуп келе жатат. Ковид илдетине каршы дары катары эч жерде расмий катталган эмес, бирок баары эсперимент катары дайындап жатышат. Бизде дагы азыр клиникалык сыноо болуп жатат, андан кийин расмий катталат", - деди Бейшеналиев.

Буга чейин өлкө башчысы Садыр Жапаров өзүнүн социалдык тармактагы баракчасына дарыгерлер коронавирустан 2-3 күндө айыктырып чыгара турган ыкма табышканын билдирген. Бул боюнча жазылган постко адамдар сыртына "уу коргошун" деп жазылган бөтөлкөлөргө суюктукту куюп жаткан видео тиркелген. 16-апрелде саламаттыкты сактоо министри Алымкадыр Бейшеналиев маалымат жыйын өткөрүп, уу коргошун менен дарылоо боюнча түшүндүрмө берип, аталган өсүмдүктүн кайнатмасын түз эфирде ичкен. Бул коомчулукта ар кандай талкууларды жаратып, мындай дарылоо ыкмасына көпчүлүк сын-пикирин айтууда.

Автор: Бекболот Сарыбаев

10:26 20-04-2021

Жазылуу

РУБРИКАДАГЫ СОҢКУ КАБАРЛАР

20:41 2026-09-28 | Коом жана турмуш

Ошто Жетимишов көчөсүндөгү жол оңдоо иштери аяктоо алдында 39 0

20:13 2026-09-28 | Коом жана турмуш

Тай-Мурас Ташиевдин Бишкек ШИИБине барганы маалым болду 298 0

20:02 2026-09-28 | Коом жана турмуш

Кыргыз телевидениесинин ардактуу диктору Тамара Жаманбаева дүйнөдөн өттү 337 0

19:28 2026-09-28 | Спорт

Кыргызстандын балбандары Азия оюндарына келишти 268 0

19:16 2026-09-28 | Коом жана турмуш

Ошто курулуш компаниясына аймакты калыбына келтирүүгө бир жума убакыт берилди 252 0

18:43 2026-09-28 | Түркүн дүйнө

Эксперт АКШ эмне үчүн Сауд Арабиясына аскердик жардам бере албай жатканын түшүндүрдү 594 0

Архив

Комментарийлер (6)

Zumrudianka

2021-04-20 10:34:15

Аллахка чексиз шугурлор болсун. Садыр Нуркожоевич себеп болуп ушул уу коргошун дуйно дузундогу ооругандарба шыфаа берсин Аллахтан болуп

-5

Dembele84

2021-04-20 11:30:51

Кемчонтойлор кыргызды дуйного шерменде кылбагыла!Бийликтегилер озунор доопарас болгонунар аз келгенсип кыргызды да шылдын кылбагыла!!!

supish2017

2021-04-20 12:44:23

Туура эле. Элдик дарылар миндеген жылдык тарыхы бар.
Пайдасы барбы колдонуу керек.
Изденуу керек
Ансыз деле кытайдын жасалма химикат дарысын ичип жатасыңар..

-1

bond02

2021-04-20 13:20:32

Шоро это сила деген реклама эске тушуп кетти.

portugalia

2021-04-20 13:25:41

Изилдеп корушсун.Вируска каршы пайдасы болсо колдонуш керек.Дарыны деле инструкциясына карап колдонобуз го дозасынан ашса болбойт деп.Барыбыз кырылабыз андай мындай дегенинер болбойт.

Nurik1988

2021-04-20 13:31:36

Жакшы жанылык жакшы жагынан болуп тасири тийип калса, ногу бок соз озун акылдуу сезгендердин акабалын корот элем

Комментарий калтыруу үчүн өз ысымыңыз менен кириңиз же каттоодон өтүңүз.