Депутат Шайлообек Атазов билим берүү жана илим министри Жогорку Кеңештин жыйынына келбегенине нааразы болду. Бул тууралуу пикирин ал бүгүн, 21-апрелде билдирди.
"Билим берүү министри жыйынга эмнеге келген жок? Сиз министрдин деңгээлинде суроолорго жооп бересизби? Министр депутаттарды тоготпой комитет жыйынына келбейт экен", - деди депутат.
Билим берүү жана илим министринин орун басары Нурлан Өмүров министрдин жолугушуулары болгондуктан келбегенин айтты. "Бул жакка мен жазылгам. Күн тартиптеги маселе боюнча жооп берем", - деди ал.
“Кесиптик башталгыч билим берүү жөнүндө” мыйзамына өзгөртүүлөрдү киргизүү тууралуу” мыйзам долбоору каралууда.