Жаан жаап, үшүк жүрөт. 22-апрелге карата аба ырайы

Эртең, 22-апрелде түнкүсүн жана күндүз көпчүлүк аймакта жаан жаайт. Күндүз тоолуу аймактарга кар түшөт. Бул тууралуу Кыргызгидрометтен билдиришти.

22-23-апрелде түнкүсүн Чүй облусунун дыйканчылык аймактарында, Ош, Жалал-Абад, Баткен облустарынын тоо этектеринде 0…-2 градус үшүк, Талас, Ысык-Көл облустарынын дыйканчылык аймактарында -1…-3 градус, 24-апрелде Ысык-Көл облусунун дыйканчылык аймактарында -2…-4 градус үшүк жүрүшү күтүлөт.

Абанын температурасы:

Чүй өрөөнүндө түнкүсүн +1…+6, күндүз +6…+11;

Талас облусунда түнкүсүн +1…+6, күндүз +5…+10;

Ош, Жалал-Абад, Баткен облустарында түнкүсүн +3…+8, күндүз +11…+16;

Ысык-Көл дубанында түнкүсүн +1…+6, күндүз +2…+7;

Нарын облусунда түнкүсүн -3…+2, күндүз +2…7+ градус.

Бишкек шаарында 22-апрелде түнкүсүн жана күндүз мезгил-мезгили менен жаан жаайт. Абанын температурасы түнкүсүн +2…+4, күндүз +9…+11 градус жылуу болот.

Автор: Гүлзина Каныбекова