Депутат Бокоев саясий буйрутманы аткарган тергөөчүлөрдү жазалоону сунуштады

Депутат Кенжебек Бокоев саясий буйрутманы аткарган тергөөчүлөрдү жазалоону сунуштады. Бул тууралуу ал бүгүн, 21-апрелде Жогорку Кеңештин жыйынында билдирди.

Депутат Кенжебек Бокоев саясий буйрукту аткарган тергөөчүлөр менен прокурорлорду жазалоо керектигин айтты. "Саясий буйруктун айынан канча депутаттар жоопко тартылды. Муну жасаган адамдар мындай кызматта иштебеши керек эле. Болбосо, биз эч качан саясий кылмыш иштеринен кутула албайбыз", - деди ал.

Башкы прокурор Курманкул Зулушевдин айтымында, мыйзамсыз кылмыш ишин козгогон 16 кызмат адамы жазаланды. "Биз атайылап кылмыш ишин козгогон, адамдарды мыйзамсыз түрдө сот жообуна тарткан тергөөчүлөрдү жана прокурорлорду жазалашыбыз керек", - деди Курманкул Зулушев.

Автор: Жылдыз Джускембаева