Ош шаарынын мэриясы асфальт чыгаруучу завод курат

Ош шаарынын мэриясы асфальт чыгаруучу завод курат. Бул тууралуу Ош шаарынын мэри Таалайбек Сарыбашов Алиев көчөсүнүн абалы менен таанышуу учурунда журналисттерге билдирди.

Заводду куруу иштери кийинки жылга пландалууда.

“Муниципалдык ишканаларга техникаларды алып берип жатабыз. Быйыл шаардык жолдор башкармалыгына асфальт төшөөгө керектүү жаңы техникаларды алып бердик. Бирок каражаттар асфальтка кетип калат экен. Ошондуктан кийинки жылы өзүбүз асфальт чыгаруучу завод куралы деп чечтик. Бүгүнкү күндө сүйлөшүү иштери жүрүп жатат. Шаардагы жол куруу ишканасын жандандырып, жумушчулардын да айлык акысын көтөрөлү деп жатабыз. Чынын айтканда, Ош шаарында негизги да, ички да жолдордун абалы начар. Быйыл 10 чакырымга жакын ички жолдорду асфальттайбыз”, - деди шаар мэри.

Автор: Айсалкын Качкынбекова