26-апрелде Бишкектин бир районунда таза суу өчүрүлөт

26-апрель күнү Бишкек шаарынын айрым көчөлөрүндө убактылуу таза суу берүү токтотулат. Бул тууралуу Бишкек мэриясынан кабарлашты.

"Жайкы мезгилге даярдануу үчүн 26-апрель күнү саат 09:00дөн кечки 20:00гө чейин чейин Белинский суу алуучу жайында жана шаардык суу түтүктөрүндө техникалык оңдоо иштерине байланыштуу Фрунзе, Күреңкеев, Абдрахманов жана Жаш Гвардия бульварында таза суу берүү токтотулат", - деп билдиришти мэриядан.

"Бишкек суу канал" ишканасы келтирилген ыңгайсыздыктар үчүн кечирим сурайт жана шаар тургундарынан, мекемелерден ичүүчү сууну камдап алууну өтүнөт.

Автор: Азат Бейшенбеков