Мамлекеттик салык кызматы 9 айда 27,1 миллиард сом чогултту

Кыргызстанда Мамлекеттик салык кызматы 2013-жылы 9 ай ичинде 27,157 миллиард сом чогултту. Бул алдын ала божомолдонгон көрсөткүчтүн 99 пайызын түзөт. Бул тууралуу 21-октябрдагы Кыргыз Республикасынын Мамлекеттик салык кызматынын жетекчиси Исхак Масалиев коллегиялык жыйында билдирди. Анын айтымында, быйыл өткөн жылга салыштырмалуу 1,642 миллиард сомго көп чогулуп, көрсөткүч 6,4 пайызга өскөн. Киреше бөлүгү милдеттүү патенттин негизинде 102 пайыз, өз эрки менен патент 102 пайыз, кыймылсыз мүлккө 111 пайыз, жерге болгон салык 121 пайыз, кендерди пайдалануу боюнча 114 пайызга аткарылган салык төлөмдөрү аркылуу ишке ашкан.