Казакстанда Кыргыз жараны катышкан жол кырсыгы катталды. Каза болгондор бар

Казакстандын Актөбө облусунда унаа жолундагы кырсыктан 2 адам каза болду. Бул тууралуу аталган өлкөнүн басылмалары жазып чыгышты.

Жазылган маалыматка караганда, адам өмүрүн алган кырсык 25-майдын таңында болгон. Самара-Шымкент жолунун 909-чакырымында Хромтау районунун Богетсай айылына жакын жерде Ниссан Примера үлгүсүндөгү унаа менен Мерседес-Бенц жүк ташуучу унаа кагышкан.

Актөбө облусунун полиция кызматынын маалыматына ылайык, жеңил унаанын 61 жаштагы айдоочусу каршы тилкеге чыгып кетип, Кыргыз жараны башкарып бара жаткан Мерседес-Бенц үлгүсүндөгү жүк ташуучу унаа менен кагылышкан.

Натыйжада жеңил унаанын айдоочусу жана жүргүнчүсү алган жаракатынан улам ошол жерден көз жумган.

Автор: Айжанар Рыспек кызы