Депутат саламаттыкты сактоо министрине: "Сиз хирург катары мыкты экенсиз, бирок жетекчи катары тажрыйба топтошуңуз керек"

Бүгүн, 31-майда Жогорку Кеңештин жыйынында депутат Шайлообек Атазов саламаттыкты сактоо жана социалдык өнүктүрүү министри Алымкадыр Бейшеналиевдин Лейлекке барып, чек ара чырынан жабыркагандарга операция жасаганы үчүн ыраазычылыгын айтты.

"Биз Баткенге барганда ошол жердеги губернатор, ошол жердеги коёнго окшогон акимдер Лейлекке өтө албай турганда, сиз Лейлекте ооруканада жүрүптүрсүз. Жабыркагандарга операция кылып жүргөн экенсиз. Бул кадамыңыз жүрөгүмдү жылыта алды. Сиз хирург катары мыкты экенсиз, бирок жетекчи катары тажрыйба топтошуңуз керек деп эсептейм", - деди ал.

Автор: Жылдыз Джускембаева