Саясий серепчи Алмаз Тажыбай: "Биздин жаран Орхан Инандынын атын акташ керек. Ал террорчу эмес". АПТАСОБОЛ

Кыргыз жараны Орхан Инанды ушул жылдын 1-июнунан бери дайынсыз болуп жаткан. Түркиянын президенти Режеп Тайип Эрдоган министрлер кабинетинин отурумунда сөз сүйлөп жатып буга чейин дайынсыз жоголду деп жаткан Орхан Инанды атайын операциянын негизинде колго түшүрүлүп, Түркияга алып келингенин кабарлаган.

Мындан улам SUPER.KG порталы "Режеп Тайип Эрдоган Орхан Инанды кармалып, Түркияга алып келингенин билдирди. Кыргыз тарап кандай аракет көрүшү керек?" деген собол салды.

Саясий серепчи Алмаз Тажыбай Орхан Инандыны Кыргыз өлкөсүнө кайтарууга болушунча аракет кылуу керектигин айтты.

"Кыргыз өлкөсүнүн Түркиядагы элчиси дагы болгон аракеттерин кылышы шарт. Биздин жаранды кармап кетишти. Авторитардык өлкөлөрдүн сотуна ишеним жок. Орхан Инандынын атын биздин жаран катары акташ керек. Ал террорчу эмес. Аны куткарбаса бул бийликтин жүзү болот", - дейт ал.

Автор: Жылдыз Джускембаева