Кашка-Суу айылында дээрлик 50 миллион сомго курулган 100 орундуу мектеп ачылды

Бүгүн, 15-сентябрда Чүй облусунун Кашка-Суу айылында 100 орундуу мектеп ачылып, пайдаланууга берилди.

Салтанаттуу иш-чарага министрлер кабинетинин төрагасы Улукбек Марипов, президенттин Чүй облусундагы ыйгарым укуктуу өкүлү Эркин Тентишев, Билим берүү жана илим министрлигинин жана жергиликтүү бийлик өкүлдөрү, райондун активисттери катышты.

Президенттин аталган облустагы ыйгарым укуктуу өкүлчүлүгүнүн маалыматы боюнча, мектептин курулушуна 49 миллион 350 миң сом (коррупция менен күрөшүү боюнча атайын эсептен) бөлүнгөн. Имараттын жалпы аянты 1 миң 974 чарчы метр.

Автор: Бактыгүл Момбекова
Фото: Президенттин Чүй облусундагы өкүлчүлүгү