БШКнын мүчөлөрү Туйгуналы Абдраимовдун абалын сураганы ИИМдин алдына келишти

БШКнын мүчөлөрү Туйгуналы Абдраимовдун абалын сураганы ИИМдин алдына келишти.

Кайрат Маматов, Узарбек Жылкыбаев мурдагы БШКнын төрагасы Туйгуналы Абдраимовду колдоо иретинде келишти.

Абдраимов ИИМге сурак берүү үчүн чакырылган.

Айрым артисттер өлкө башчы Садыр Жапаровдон саясатчыларды жазалоону суранып, кайрылуу жазышкан.

Анда Туйгуналы Абдраимов, Бакыт Жетигенов, Курсан Асанов, Жанар Акаев, Азамат Мусакеев, Исмаил Исаков, Ахматбек Келдибеков, Алтынбек Сулайманов, Жылдызкан Жолдошева аттуу жарандар баштаган 17-сентябрь күнү жүз миң киши алып чыгып, бийликти алмаштырабыз деген лозунг менен массалык маалымат каражаттарына маек бергени белгиленген. "Аны колдогон беш-алты бала курал-жарак чогултуп жатат имиш. Жогорудагыларга эмне керек? Урматтуу Садыр Нургожоевич, булар менен мышык-чычкан ойнобоңуз. Артыңызда бери дегенде 80, ары дегенде 90 пайыз эл турабыз. 2016-жылы түрк эли Эрдоганды кандай колдоп алса, так ошондой колдоп алабыз. Мындайларга катуу чараларды көрүңүз! Жумшак болбоңуз. Болбосо мамлекетибизди жоготуп алабыз. Митинг дегенди уккубуз келбей калды.Тажадык", - деп жазылган кайрылууда.

Автор: Жылдыз Джускембаева
Фото: Жылдыз Джускембаева