Ош облусунун Өзгөн районунда 17-сентябрь күнү эртеден кечке жүк ташуучу унааларга чектөөлөр киргизилди. Бул тууралуу Ош ОИИБинин басма сөз кызматынан билдиришти.
"Урматтуу Өзгөн районунун тургундары жана меймандары, эгемендүүлүктүн 30 жылдыгына карата Өзгөн шаарында “Маданият мунарасы” долбоорунун алкагында өтүүчү “Өзгөн-Мунара-2021" этно-фольклордук фестивалына байланыштуу 17-сентябрь күнү саат 08:00дөн 24:00гө чейин Өзгөн шаарынын Ленин көчөсү жабылып, Өзгөн шаарынын Манас көчөсүндө оор жүк ташуучу унааларга чектөөлөр киргизилет.
Ыңгайсыздык жаратканыбыз үчүн кечирим сурайбыз. Түшүнүү менен кабыл алууңуздарды суранабыз", - деп билдиришти басма сөз кызматынан.