Садыр Жапаров Улуу Британиядагы эң ири саммиттин ачылышына катышты (сүрөт)

Бүгүн, 1-ноябрда Глазго шаарында Бириккен улуттар уюмунун климаттын өзгөрүүсү жөнүндө алкактык конвенциясынын тараптарынын 26-конференциясынын дүйнө лидерлеринин саммитинин ачылыш аземи болду.

Президенттин администрациясынан билдиришкендей, ачылыш аземге өлкө башчы Садыр Жапаров катышты.

Саммиттин алкагында Садыр Жапаров эртең, 2-ноябрда кайрылуу менен чыгып, анда иш-чаранын катышуучуларынын көңүлүн мөңгүлөрдү жана суу ресурстарын климаттын өзгөрүүсүнөн эле эмес, абийирсиз чарбалык ишмердүүлүктөн да сактап калуу маанилүү экенине буруп, айлана-чөйрөнү коргоо маселелерине токтолот.

БУУнун климаттын өзгөрүүсү жөнүндө алкактык конвенциясынын тараптарынын 26-конференциясы 30 миңден ашуун делегат, анын ичинде 120 дүйнө лидерлеринин, эксперттер жана өкмөттүк чиновниктердин катышуусунда өткөн Улуу Британиядагы эң ири саммит болуп калары белгиленет.

Автор: Бактыгүл Момбекова
Фото: Президенттик аппарат