Бишкекте “Кыргызстандагы корейлердин музыкалык маданияты” аттуу концерт өтөт

Кыргыз улуттук консерваториясында 24-ноябрь күнү корей элинин маданияты менен тааныштыруучу иш-чара өтөт. Бул тууралуу 19-ноябрда концертти уюштуруп жаткан “Роза Отунбаеванын демилгеси” фондунан билдиришти.

Концерттик программанын жүрүшүндө Кыргызстандагы корей диаспораларынын музыкалык маданияты менен таанышуу мүмкүнчүлүгү түзүлөт. Мындан сырткары катышуучулар корей элинин улуттук кийимдери, салт-санаалары менен тааныша алышат.

Көрүүчүлөр белгилүү “Арираң” ырын угуп, ЮНЕСКОнун материалдык эмес мурастарынын катарына кирген бийлерди көрө алышат.

Автор: Айпери Ганыжан кызы