Антлантика океанында кымбат унаалар жүктөлгөн кемедеги өрт өчүрүлдү

Португалиянын Азор аралдарына жакын жерде Атлантика океанында сүзүп бараткан Felicity Ace жүк ташуучу кемесинде өрт өчүрүлдү. Бул тууралуу чет элдик маалымат булактары жазышты.

Анда айтылгандай, кемедеги өрт өрт өчүрүүчүлөрдүн аракети менен гана эмес, күйө турган эч нерсе калбай калгандан кийин өчүрүлгөн. Кеме Германиядан АКШга бара жаткан жана кемеде Фольксваген, Порше, Ауди, Бентли сыяктуу 4000дей жаңы унаа бар болчу.

Өрттүн күчү азайган сайын өрт өчүрүүчүлөр жана техникалык кызматкерлер кемени Европага же Багам аралдарына сүйрөп чыгууга даярдануу үчүн кемеге түшө алышат.

Буга чейин Атлантика океанында миңдеген кымбат баалуу унаалары бар кемеде чыккан өрттү куткаруучулар бешинчи күндөн бери өчүрүүгө аракет кылып жатышкандыгы кабарланган.

Автор: Азат Бейшенбеков