Ош облусунда көк бөрү жана ат оюндары болуп өттү

Бүгүн, 23-февралда Ош облусунда көк бөрү жана ат оюндары болуп өттү.

Президенттин Ош облусундагы ыйгарым укуктуу өкүлүнүн Кубогуна арналган мелдешке 390 миң байге фонду коюлуп, ага облустун 7 аймагынан бирден команда жана Ош шаарынын 1 командасы катышып, жалпы 8 команда катышты.

Облус башчысынын өтмө Кубогунун жыйынтыгында, президенттин Ош облусундагы ыйгарым укуктуу өкүлү Зиядин Жамалдинов көк бөрү оюнчуларына сөз сүйлөп, өз колу менен сыйлык тапшырды.

1-орун Өзгөн району, 120 миң сом;

2-орун Кара-Суу району, 80 миң сом;

3-орунду Кара-Кулжа району ээлеп, 50 миң сом;

4-орунду Алай районунун командасы камсыз кылып, 30 миң сом акчалай сыйлык алды.

Көк бөрү оюндарынан сырткары аламан чабыш болуп өтүп, ага жалпы 7 чабандес катышты. 1-орунду ээлеген чабандеске 40 миң сом, 2-орунду камсыздаганга 30 миң сом жана 3-орунда ээлеген чабандеске 10 миң сом акчалай сыйлыктар ыйгарылды.

Автор: Жылдыз Джускембаева