Сасык тумоонун алдын алуу үчүн дарыгерлер сунуштаган витамин кайсы? Дарыгер жооп берди

Ден соолукту чыңдоо жана ар кандай тумоолордон сактануу үчүн витаминдерди, минералдарды дарыгердин көрсөтмөсү менен гана ичүү керек. Бул тууралуу врач-диетолог, медицина илимдеринин кандидаты Римма Мойсенко орусиялык басылмалардын бирине берген маегинде айткан.

Анын айтымында, ден соолукту чыңдоо үчүн витаминдерди өз алдынча эмес, дарыгердин кеңеши менен ичүү пайдалуу. Бирок организмди чыңдоо жана сасык тумоолордун алдын алуу үчүн С витамини жана куркуминди колдонуу жардам берет.

"Ар кандай жугуштуу оорулардан сактануу, организмди чыңдоо үчүн витаминдер жана микроэлементтерди өз алдынча колдонууга болот. Мындай учурда дарыгерлер С витаминин жана куркуминди сунуштайбыз. Ал эми сасык тумоо жуктуруп алган болсо, магний жана цинк колдонсо жакшы", - деген ал.

Автор: Сезим Жумагулова