Ысык-Көлдө кайрадан жер силкинди

Ысык-Көлдө жер титиреди. Бул тууралуу Өзгөчө кырдаалдар министрлиги Сейсмология институтунун маалыматына таянып билдирди.

Маалыматка ылайык, кечээ, 22-ноябрь күнү саат 08:46да очогунда күчү 3 баллга жеткен жер титирөө катталган.

"Жердин силкинүүсү Тоң районунун Ак-Сай, Эшперов, Төрт-Көл, Көк-Сай, Туура-Суу, Тогуз-Булак, Темир-Канат айылдарында 3 балл, Бөкөнбаев, Коңур-Өлөң айылдарында 2,5 баллга чейин сезилген", - деп айтылат маалыматта.

Жер титирөөдөн жабыркагандар жана кыйроолор катталган жок.

Эскерте кетсек, ушул эле күнү түнкүсүн аталган облустун аймагында эки ирет жер титиреген.

Автор: Максуда Кудайбердиева