Милиция интернеттеги Таласта келин наристесин итке салып берди делген окуя боюнча үн катты

Социалдык тармактарда "Таласта келин көз жарып, наристесин итке салып берди" деген маалымат сүрөттөрү менен тараган.

Талас ОИИБинин маалыматына таянсак, аталган окуя 2016-жылы Талас шаарында орун алган. Анда наристени төрөгөн эне аныкталып, тергөө иштеринин жыйынтыгында жоопко тартылган.

Маалымат үчүн: 2016-жылы 26-мартта милицияга Оторбаев көчөсүндө жайгашкан үйлөрдүн биринин короосунан айрым дене мүчөлөрү жок жаңы төрөлгөн баланын жансыз денеси табылганы тууралуу маалымат түшкөн. Шектүү катары ымыркайдын энеси кармалган.

Автор: Айжанар Рыспек кызы