Чынтемир Аширалиевдин соту: "Мен өлбөйм, сени өлтүрүп туруп өлөм" дейт маркумдун апасы (видео)

Бүгүн, 20-декабрда Бишкек шаардык сотунда үч адамдын өлүмүнө шектелип өмүр бою эркинен ажыратылган Чынтемир Аширалиевдин доо арызы каралды.

Анда судья котормочу жана айыпталуучу тараптын жактоочусу келбегендигине байланыштуу соттук отурумду 10-январга жылдырды.

Соттук отурум башталар алдында жабырлануучу тараптын апасы айыпталуучу шаардык сотко доо арыз менен кайрылганына жинденди.

"Мен өлбөйм, мен сени өлтүрүп туруп анан өлөм", - деди маркумдун апасы.

3-ноябрда Бишкектин Октябрь райондук соту үч адамдын өлүмүнө шектүү Чынтемир Аширалиевди күнөөлүү деп таап, үч адамды атайылап өлтүргөн деп, мүлкүн конфискациялоо менен өмүр бою эркинен ажыраткан.