Алмас Турдуматов 24.kg сайтынын ээси болду

Качкын президент Курманбек Бакиевдин басма сөз кызматынын мурдагы жетекчиси Алмасбек Турдумаматов 24.kg маалымат агенттигинин жетекчиси жана ээси болду. Бул Юстиция министрлигинин маалыматында белгилүү болду.

Маалымат агенттиги бүгүн, 19-мартта кайра каттоодон өттү.

Эскерте кетсек, буга чейин интернет желесинде аталган медиа мурдагы негиздөөчүсү Асел Оторбаевадан "Назарньюс" сайтынын редактору Гүлжан Шерипбаевага өткөнү тууралуу сүрөттөр тараган.

Ага чейин 15-январда УКМК кызматкерлери 24.kg маалымат агенттигинин кеңсесине тинтүү жүргүзүп, "согушка үгүттөө" беренеси менен козголгон иштин алкагында директору жана башкы редакторлору тергөөгө сурак берип чыккан.

Автор: Азат Бейшенбеков