“Абалы туруктуу”. Кечээ боорун алмаштырган бейтаптан министр кабар алды (видео)

Саламаттыкты сактоо министри Алымкадыр Бейшеналиев боорун алмаштырган бейтаптан кабар алды. Анын абалы туруктуу деп бааланууда. Бул туурасында бүгүн, 11-июнда мекемеден кабарлашты.

Маалымдалгандай, аялга боорун алмаштыруу операциясы кечээ, 10-июнда жасалган.

“Абалы туруктуу. Бүгүн 50 жаштагы аялдын боорун алмаштыруу боюнча экинчи операция жасалууда. Кызы донор болуп жатат”, - деп билдирген маалыматта.

Эске салсак, кечээ, 10-июнда Кыргызстанда биринчи жолу боор алмаштыруу операциясы ийгиликтүү аяктаган. Операция 8-9 саатка созулуп, саламаттыкты сактоо министри Алымкадыр Бейшеналиев баштаган түркиялык жана кыргызстандык адистерден турган дарыгерлер тобу катышкан.