Токмокто дайынсыз жоголгон 52 жаштагы аялдын жансыз денеси табылды

Чүй облусунун Токмок шаарында дайынсыз жоголгон 52 жаштагы аялдын жансыз денеси табылды. Бул тууралуу облустук милициядан билдиришти.

Маалыматка ылайык, 5-августта саат 15:00 чамасында бир нече күндөн бери изделип жаткан Ж.Т.нын жансыз денеси Токмок шаарындагы Дунларов көпүрөсүнүн астынан табылган.

Өлүмдүн себебин аныктоо үчүн бардык зарыл болгон соттук-медициналык экспертизалар дайындалып, тергөө иштери уланууда.

Белгилей кетсек, буга чейин Токмок шаарында беш баланын энеси изделип жаткандыгы маалымдалган. Ал 28-июль күнү саат 8:30дар чамасында үйүнөн чыгып кеткен боюнча дайынсыз болуп жаткан.

Автор: Айпери Бакталбек кызы