Ош шаары жарнамалык такталардан толук тазаланды (видео)

Ош шаары эски үлгүдөгү жарнамалык такталардан тазаланды. Бул туурасында бүгүн, 29-августта мэриянын басма сөз кызматы билдирип, видео менен бөлүштү.

Маалымдалгандай, эски үлгүдөгү 300гө жакын жарнама такталары алынган.

“Бул иштер шаардагы көчөлөрдүн инфраструктурасын жакшыртуу жана иретке келтирүү максатында жасалды”, - деп айтылат маалыматта.

Эске салсак, буга чейин өлкө башчы Садыр Жапаров Бишкек мэриясына шаардагы эски жарнамалык такталарды 31-августка чейин толугу менен тазалап, шаардын көркүнө ылайыктуу жана ыңгайлуу жерлерге LED экрандарды коюп алмаштыруу тапшырмасын берген.

Ал арада экинчи борбор калаада да тазалоо иштери башталган.