Ноябрдан тарта “Ынтымак Ордого” саякат токтотулат

Бишкектеги “Ынтымак Ордого” саякат 1-ноябрдан тарта токтотулат. Бул тууралуу Президенттин иш башкармасынан кабарланды.

Маалыматка ылайык, анын себеби Түрк мамлекеттер уюмунун жыйынына байланыштуу.

"Түрк мамлекеттер уюмунун жыйынына карата 1-ноябрдан тарта “Ынтымак Ордого” саякат токтотулат. Бул жагдай жыйындын өтүшү менен байланыштуу", - деп билдирди мекеме.

Белгилей кетсек, үстүбүздөгү жылдын 30-августтунда “Ынтымак Ордо” президенттик администрациянын ачылыш аземи болгон. Ал эми президенттин басма сөз катчысы Аскат Алагөзов аталган жайды каалаган жаран барып, ичин кыдырса болорун билдирген.

Автор: Бурул Турусбекова