Жети шаарда аралыктан добуш берүүгө арыздар кабыл алынууда (Даректери)

Бүгүн, 2-ноябрда 7 шаардагы калкты тейлөө борборлорунда 17-ноябрдагы шайлоо үчүн аралыктан добуш берүүгө арыздар кабыл алынууда. Бул тууралуу Борбордук шайлоо комиссиясы маалымдады.

Белгиленгендей, аталган борборлор эртең менен саат 9:00дөн кечки 18:00гө чейин иштешет. Арыздарды кабыл алуу эртең, 3-ноябрда дагы улантылат.

Бишкек шаары, Ч.Валиханов көчөсү, 2;
Ош шаары, Т.Касымбеков көчөсү, 8г/1;
Нарын шаары, В.Ленин көчөсү, 39;
Жалал-Абад шаары, Барпы Алыкулов көчөсү, 1;
Каракол шаары, Гебзе көчөсү, 124;
Баткен шаары, Мурат Салихов көчөсү, 33/1;
Талас шаары, Дзержинский көчөсү, 28.

Аралыктан добуш берүүгө байланыштуу бардык суроолор боюнча 1255 ишеним телефонуна чалса болот.

Белгилей кетсек, 17-ноябрда 264 жергиликтүү кеңешке, анын ичинде 33 шаардык, 231 айылдык кеңешке депутаттарды шайлоо өтөт. БШК шайлоого аралыктан добуш берүү үчүн арыздарды кабыл алуу мөөнөтүн 5-ноябрга чейин узарткан.

Автор: Айжанар Рыспек кызы
Фото: Интернеттен алынды