Бишкек–Ош жолуна көчкү түшүп, жол жабылды (видео)

Чүй облусунун Жайыл районундагы Бишкек–Ош унаа жолунун 127-чакырымында бүгүн болжол менен саат 16:15 чамасында кар көчкү түштү. Бул туурасында ӨКМдин маалымат кызматы билдирди.

Маалымдалгандай, жерине №9 жол тейлөө ишканасынын 2 жүктөгүч унаасы тартылып, тазалоо иш-чараларын жүргүзүүдө.

"Буга байланыштуу саат 16:20дан тартып Бишкек–Ош жолунун "Сосновка" постунда унаалардын бардык түрүнө эки тараптуу убактылуу чектөө киргизилди. Кырдаалды байкоо үчүн ӨКМдин Жайыл райондук өзгөчө кырдаалдар бөлүмүнөн ыкчам топ жана Тоо-кен куткаруу кызматынан 2 куткаруучу тартылды. Кошумча маалымат берилет", - деп айтылат маалыматта.

Белгилей кетсек, буга чейин оор жүк ташуучу унааларга чектөөлөр киргендиги айтылган.