"10KG". Кыргызстанда оң рулдуу чет элдик унааларга номур бериле баштады (видео)

Өлкөдө чет өлкөдөн мыйзамсыз ташылып келди делген оң рулдуу унааларды легалдаштыруу башталып, алгачкылары кыргыз номурларын алышты.

Кыргыз номурун алган оң рулдуу унааларга 10-региондун номурлары берилүүдө. Кабыл алынган токтом боюнча, мыйзамдаштыруу иштери 1-апрелден 1-октябрга чейин жүргүзүлөт.

Эске салсак, президент Садыр Жапаров чет элдик номурлуу унааларды мыйзамдаштыруу боюнча жарлыкка кол койгон. Ага ылайык, Министрлер кабинети 2 айдын ичинде мыйзамыз келген деген унааларды каттоонун жол-жобосун иштеп чыгып, тиешелүү чечим кабыл алат жана 6 айдын ичинде ишке ашырат. Легалдаштыруу 3 этап менен ишке ашырылары белгиленген.