Чыңгыз Айдарбеков ИИМде кайрадан сурак бергени айтылууда

Кечээ, 2-апрель кечинде Жогорку Кеңештин мурдагы депутаты Чыңгыз Айдарбеков ИИМде сурак берип чыкканын бир катар маалымат каржаттары жазып чыгышты.

Азырынча ал кайсы иш менен суралып жатканы белгисиз. ИИМ расмий маалымат бере элек.

Айдарбеков 31-март күнү да ИИМде сурак берген.

Айта кетсек, 10-мартта Кубанычбек Конгантиев Жогорку Кеңештин депутаттык мандатынан ажыратылып, ошол эле күнү УКМК тарабынан кармалган. Анын ордуна №21 шайлоо округу боюнча Чыңгыз Айдарбеков депутат болуп келиши керек болчу. Бирок мандат берүү кечеңдеп, муну БШК Айдарбековго байланыштуу ИИМден тиешелүү маалымат күтүп жатканы менен түшүндүргөн. Айдарбеков БШК ага депутаттык мандатты негизсиз бербей жатканын айтып чыккан.