Ош. Ноокатта окуучулар арасындагы предметтер боюнча аймактык олимпиада жыйынтыкталды

Ноокат районунда мектеп окуучуларынын арасында предметтер боюнча олимпиадасы жыйынтыкталды. Бул тууралуу бүгүн, 27-январда райондук билим берүү бөлүмүнүн басма сөз кызматы билдирди.

Быйылкы 2013-2014-окуу жылындагы олимпиаданын райондук этабына жалпысынан 625 окуучу катышып, 38 окуучу 1-орунду, 42 окуучу 2-орунду алышты.

Райондук билим берүү бөлүмүнүн башчысынын буйругу менен 1-орунду алган окуучуларга 1-даражадагы дипломдор жана баалуу белектер берилди. Ал эми аларды окутуп, олимпиадага даярдаган мугалимдерине Ноокат райондук билим берүү бөлүмүнүн Ардак грамоталары тапшырылды.

Автор: Аксана Паизова