Индонезияда хантавирустун 3 учуру аныкталды

Индонезиянын борбору Жакарта шаарында хантавирусту жуктуруп алган 3 адам жана 6 адамдан вируска шектүү белгилер табылган. Бул тууралуу чет элдик басылмалар шаардык саламаттык сактоо башкармалыгынын башчысы Ани Руспитаватиге таянып билдиришти.

"Учурда Жакартада хантавирус боюнча 3 тастыкталган учур катталды. Ошондой эле шектүү деп эсептелген 6 адам дарыгерлердин көзөмөлүндө", - деп билдирген ал.

Буга утурлай өлкөдө санитардык көзөмөл күчөтүлгөнү маалымдалды.

Буга чейин Нидерландга таандык MV Hondius лайнеринде хантавирус жайылганы маалым болгон. 10-майда кеме Тенерифеге келип, жүргүнчүлөрдү жана экипажды эвакуациялоо башталган.

Хантавирус жөнүндө кеңири маалымат.

Автор: Меерим Кабылова