ӨКМ Ысык-Көл районунда селдин кесепетинен дайынсыз болуп жаткан жаран көлдөн да изделип жатканын кабарлады.
Ага ылайык, ӨКМдин суучулдары 1 моторлуу кайык, 1 кеме менен көлдүн астынан да издөө-куткаруу жумушун жүргүзүүдө.
Аталган аймактагы табигый кырсыктын кесепеттерин жоюуга жалпы 159 адам, 39 техника тартылган.
Эске салсак, 5-июнда Балыкчы — Ананьево — Каракол унаа жолунда
сел жүргөн. Анын кесепетинен 2 унааны жана 2 жаранды ылай басып калган. ӨКМ бир жарандын сөөгү табылып, экинчисин издөө-куткаруу иштери жүрүп жатканын
кабарлаган.