9 жаштагы баланы тебелеп алган автобустун айдоочусу кармалды

Бишкекте 9 жаштагы баланы тебелеп алган автобустун айдоочусу кармалды. Бул тууралуу борбор калаанын милициясы билдирди.

Маалыматта айтылгандай, факт боюнча Кылмыш-жаза кодексинин 312-беренеси (Транспорт каражаттарынын кыймылынын жана аларды эксплуатациялоонун коопсуздук эрежелерин бузуу) менен кылмыш иши козголуп, шектүү убактылуу кармоочу жайга киргизилген.

Учурда зарыл болгон соттук-медициналык экспертизалар дайындалып, тергөө иштери жүрүп жатат. Бишкек милициясы өспүрүм жандандыруу бөлүмүндө каза болгонун кошумчалайт.

Буга чейин интернет желесине кырсык болгон жерден тартылган видео тараган.

Автор: Кылымбек Бейшеев
Фото: Бишкек ШИИББ