Мыктыбек Оролбай уулу жеңилүүсүнөн кийин элге кайрылды (видео)

Кыргызстандык мушкер Мыктыбек Оролбай уулу АКШнын Филадельфия шаарында өткөн UFC 330 турниринде жеңилүүсүнөн кийин элге кайрылды.

Анда мушкер беттешке жакшы даярданганын, бирок жеңишке жетүү буюрбаганын айтты. "Бул жеңилүүнүн артында чоң жакшылыктар бар",- деди ал. Ошондой эле, жеңилгенине карабай колдоо көрсөткөн күйөрмандарына ыраазычылык айтып, UFC чемпиондук курун сөзсүз Кыргызстанга алып келерин билдирди.

Эске салсак, 16-августка караган түнү АКШнын Филадельфия шаарында UFC 330 турнири өткөн. Турнирдин алгачкы беттешинде Мыктыбек Оролбай Жеремайя Уэллс менен беттешип, жеңилүү ызасын тарткан.