Ошто тоноого шектелип өспүрүм балдар кармалышты

Ош шаарында тоноого шектелип 15, 16 жана 17 жаштагы балдар кармалышты. Бул тууралуу калаа милициясы билдирди.

Маалыматка ылайык, 26-июль күнү алар скутер айдап бара жаткан 18 жаштагы жигитти токтотушуп, анын скутерин, iPhone XR үлгүсүндөгү телефонун жана 200 сомун тартып алышкан. Факт боюнча Кылмыш-жаза кодексинин 206-беренеси (Тоноо) менен кылмыш иши козголгон.

Ошол эле учурда алардын үстүнөн 8 арыз түшкөн. Жабырлануучулар телефондорун жана акча каражаттарын шектүүлөр коркутуп алып коюшканын айтышкан. Ош шаарынын соту аларды бир ай абакта кармоо боюнча чечим чыгарды.

Автор: Кылымбек Бейшеев
Фото: Ош ШИИБ