"Көбүңөр блогер болуп кеттиңер". Эрулан Кокулов өкмөттү сындады

Бүгүн, 24-сентябрдагы Жогорку Кеңештин жыйынында депутат Эрулан Кокулов Бишкек шаарынын мэринин жолдор боюнча айтканын сынга алды.

Эл өкүлү ошондой эле өкмөт мүчөлөрүн калп маалыматтарды берүүгө айыптады.

"Кыргызстанда мыйзам бар да. Мыйзам силер мэр же министр болуп келгенче эле жазылган, силер ага баш ийишиңер керек. Мыйзамдарга баш ийбей калганыңардан көйгөйлөр чыга баштады. Жарымыңардан көбүңөр блогер болуп кеттинер. Ишиңерди кылып, анан блогер болсоңор каршы эмесмин. Бирок калп айтып, элге туура эмес маалыматтарды таратпагыла. Мыйзамга келгиле, өтө аша чаап жатасыңар",- деди Кокулов.